Pinus radiata (D. Don), "Intsinis pinua" bezala ezagutu ohi dena, Ameriketako Estatu Batuetako mendebaldeko kostaldekoa da jatorriz, Kaliforniakoa, hain zuzen. XIX. mendearen erdialdean sartu zuten Euskal Herrian, eta bikain moldatu zen bertoko klimara eta lurzorura, eta, gainera, bere jatorriko eskualdean baino gehiago eta azkarrago hazi zen.

Taxonomikoki, horrela sailkatzen da:

Ordena: Konifero-zuhaitzak
Familia: Pinazeoak
Subgeneroa: Diploxylon
Jatorrizko herrialdea: AEB, Kalifornia

Intsinis pinuaren zurak oso ezaugarri tekniko onak ditu zelulosa-industriarentzat, batez ere, bere zuntz luzeagatik; kartoiak, kartoi meheak eta erresistentziako paperak fabrikatzeko erabili ohi da. Halaber, zur-industrian eta etxegintzan hedatu da aise bere erabilera.

Gaur egun, Intsinis pinuez landatutako 160.000 hektarea inguru daude Euskal Herrian, batez ere, Bizkaian eta Gipuzkoan, eta pinudi horiek zuraren industri horniduraren % 90 ingururen euskarri dira.

Ezaugarria	Azalpena
Kolorea	Zurgiharra, apur bat gaztainkara eta zurgizena, zuri-horixka
Adabegiak	Osasuntsuak ohi dira, sendoak, gaztaina-kolore iluna dutenak
Haziera-eraztuna	Urtero, 6-7 mm-ko haziera-zabalera
Zuntza	Zuzena, muinetik gertuko eraztunetan izan ezik
Ehundura	Homogeneoa eta leuna
Usaina	Arinki erretxinaduna
Dentsitate Nominala	12 %
Uzkurdura	Egoera berdetik hezetasun-edukiaren % 0ra
Tangentziala	7,0%
Erradiala	4,2%
Bolumetrikoa	11,2%